يا نسـورنا

موضوع: يا نسـورنا الأحد يونيو 22, 2008 9:41 pm

يا نسورنا اللي مرفرفة عـا قبالنا إنتو املنا ومالنا وراس مالنا

إنتو الحقيقة ، بـ مرجنا وإنتو الزهور إنتو النور الشّع من عرزالنا

بها لمغترب يا نسور يا فخر الطيور بنقدر قبال الكون نقشع حالنا

ولأستراليا دوم في إلكم شعور وحبها بتشهد عليه فعالنا

وخلو المحبة تكون بـ قلوب الصدور بأخلاقنا نسطّر هوى أعمالنا

أجدادكم حفروا بتاريخ العصور ونشروا الحضارة في ربوع تلالنا

واليوم إنتو المعرفة وإنتو البدور إنتو المستقبل ، وإنتو رجالنا

وحزبنا لـ مجد الوفي الحزب الغيور العامل عا تنوير الوعي بأشبالنا

بيعدّكم للتضحية مش للغرور بأخلاقكم صورة جميلة قدمو

ودوم إعملوا عا صون إستقلالنا

هيدي النهضة وهيك عزتها وارفعوا للمجد رايتها

ولا تخلوا مجدنا ينداس خلو بـ حلا العينين صورتها

نحن من أمة عطيت للناس كل الدني عملو لـ سعادتها

وشعبنا اللي ذاق مر الكاس وتحمل الغربة وقساوتها

صان هالنهضة بوعي وإحساس تـا قدرت تقدم رسالتها

وداس على الأشباح والأنجاس الجربو توقيفها ماتو

وما توقفت خطوة بـ مسيرتها

يا نسورنا ، كونو وفا وعنوان وهـا لزوبعة صونوا كرامتها

وبلادكم من أجمل البلدان كل الدني إعترفت بقيمتها

عطينا الوعي والنور للإنسان وبخور فوّح من قداستها

صونو مباديها بوفا وإيمان ودوم إعملوا لقيمة طهارتها

وحركو، وتحركو بوجدان وكونو رسل من روح نسمتها

وكونو القلعة الشامخة البنيان وإبقوا نسور الزوبعة يا نسور

العم تحلّق فوق قمتها

من ديوانه " نسمات من العرزال"

الرفيق صباح عبد الله من مواليد قرية بتعبورة ( الكورة ) عام 1951 ، وهو مناضل سوري قومي اجتماعي تولى مسؤوليات محليّة عديدة في منفذية ملبورن منها ناظر اذاعة ومنفذ عام
حاليا : عضو المندوبية السياسية في استراليا ، ورئيس المجلس العالمي للمغتربين اللبنانيين في ملبورن.سبق ان صدر للرفيق عبدالله كتاب " أفكار نور ونار " عام 2000 ثم اعيدت طباعته